வல்லினம் மிகும் இடம்

வல்லினம் மிகும் இடம்

அ, இ, உ சுட்டெழுத்துக்களின் பின்

• அ + காலம் = அக்காலம்

• இ + சமயம் = இச்சமயம்

• உ + பக்கம் = உப்பக்கம் ('உ' எனும் சுட்டெழுத்து வழக்கில் இல்லை)

எ என்னும் வினா எழுத்தின் பின்

• எ + பொருள் = எப்பொருள்

அந்த, இந்த, எந்த என்னும் அண்மை, சேய்மைச் சுட்டுக்கள், வினாச் சுட்டுக்களின் பின்

• அந்த + காலம் = அந்தக் காலம்

• இந்த + சிறுவன் = இந்தச் சிறுவன்

• எந்த + பையன் = எந்தப் பையன்

அப்படி, எப்படி, இப்படி என்னும் சொற்களின் பின்

• அப்படி + கேள் = அப்படிக் கேள்

• இப்படி + சொல் = இப்படிச் சொல்

• எப்படி + பார்ப்பது = எப்படிப் பார்ப்பது 

இரண்டாம் வேற்றுமை அசை உருபுக்குப்பின் (ஐ)

• அவனைக் கண்டேன்

• செய்யுளைச் சொன்னேன்

• அவளைத் தேடினேன்

• குறளைப் படித்தேன்

இரண்டாம் வேற்றுமை விரியில் வல்லினம் மிகும்.

• மயிலைக் கண்டேன்‌.

• மலையைச் சார்ந்தேன்.

• உணவைத் தந்தேன்.

• குறளைப் படித்தேன்.

நான்காம் வேற்றுமை விரியில் வல்லினம் மிகும்.

• தந்தைக்குக் கொடுத்தான்

• தாய்க்குச் சொன்னான்

• தங்கைக்குத் தந்தான்

நான்காம் வேற்றுமை உருபுக்குப்பின் (கு)

• அவனுக்குக் கொடுத்தேன்

• அவளுக்குச் சொன்னேன்

ஆறாம் வேற்றுமைத் தொகையில் நிலைமொழி அஃறிணைப்பெயராக இருப்பின் பின்வரும் வல்லினம் மிகும்.

• நாய்க்குட்டி

• புலித்தலை

• நரிப்பல்

இரண்டு, மூன்று, நான்கு, ஐந்தாம் வேற்றுமை உருபும் பயனும் உடன்தொக்க தொகையில் வல்லினம் மிகும்.

• தண்ணீர் + குடம் = தண்ணீர்க்குடம்

• மரம் + பெட்டி = மரப்பெட்டி

• பூட்டு + சாவி = பூட்டுச்சாவி

• விழி + புனல் = விழிப்புனல். 

வன்தொடர்க் குற்றியலுகரத்தின் பின் வல்லினம் மிகும்.

• பத்து + பாட்டு = பத்துப்பாட்டு

• எட்டு + தொகை = எட்டுத்தொகை

ட, ற ஒற்று இரட்டிக்கும் உயிர், நெடில் தொடர்க் குற்றியலுகரங்களின் பின் வல்லினம் மிகும்.

• ஆடு + பட்டி = ஆட்டுப்பட்டி

• நாடு + பற்று = நாட்டுப்பற்று

முற்றியலுகரத்தின் பின் வல்லினம் மிகும்.

• பொது + தேர்வு = பொதுத்தேர்வு

• திரு + குறள் = திருக்குறள்

ஓரெழுத்து ஒரு மொழியின் பின் வல்லினம் மிகும்.

• தீ + சுடர் = தீச்சுடர்

• தீ + பெட்டி  = தீப்பெட்டி

• மை  + கூட =  மைக்கூட

• பூ + கூடை = பூக்கூடை

ஆக, என என்று முடியும் வினையெச்சங்களின் முன் வல்லினம் மிகும்.

• எனக்கூறினான்

•  அவனாகச் சொன்னான்

• தருவதாகச் சொன்னான்,

• பார்ப்பதாகக் கூறினாள்,

• தாயெனக் கூறினார்,

• படி எனக் கூறினார்.

ஆய், போய் என்னும் வினையெச்சச் சொற்களின் பின் வரும் வல்லினம் மிகும்.

• போய்க் கண்டேன்,

• நன்றாய்ச் சொன்னாய்.

இகர, அகர ஈற்று வினையெச்சங்களின் பின் வல்லினம் மிகும்.

• தேடிப் பார்த்தேன்,

• தேடப் போனேன்.

இனி, தனி, திரு என்னும் சொற்களின் பின் வரும் வல்லினம் மிகும்.

• இனிச் செய்யலாம்,

• தனித்தமிழ்,

• திருச்செந்தூர்

• திருக்குறள் 

சால, தவ முதலிய உரிச்சொற்களின் பின் வல்லினம் மிகும்.

• சால + பேசினான் = சாலப்பேசினான்.

• தவ + சிறிது = தவச்சிறிது.

• தவ  + புதல்வன் = தவப்புதல்வன்

• சால + சிறந்தவன் =  சாலச்சிறந்தவன்

உருவகத்தின் பின் வல்லினம் மிகும்.

•  தமிழ்    +   தாய்       =     தமிழ்த்தாய்
• தமிழ்    +   தேன்      =    தமிழ்த்தேன்
• வாய்    +  பவளம்    =    வாய்ப்பவளம்

உவமைத்தொகையில் வல்லினம் மிகும்.

• மலர்க்கை,

• தாமரைப்பாதம்,

• சங்குக்கழுத்து,

• புலிப்பாய்ச்சல்.

பண்புத்தொகையில் வல்லினம் மிகும்.

• இனிப்புப் பண்டம்,

• வட்டப்பலகை,

• வெள்ளைத்தாள்,

• சிவப்புச்சட்டை.

•வேற்றுமைப் புணர்ச்சியில் வல்லினம் மிகும் இடங்கள்

அல்வழிப் புணர்ச்சியில் வல்லினம் மிகும் இடங்கள்

நான்காம் வேற்றுமைத் தொகையில் முன்நின்ற சொல் (நிலைமொழி) அஃறிணைப் பெயராக இருந்தால் பின்வரும் வல்லினம் மிகும்.

• குறிஞ்சித் தலைவன்

• படைத்தளபதி.

• கூலிப்படை.

ஏழாம் வேற்றுமைத் தொகையில் வல்லினம் மிகும்.

• மனைப் பிறந்தாா்

• சென்னைப் பல்கலைக்கழகம்.

அரை,பாதி, எட்டு, பத்து என்னும் எண்ணுப் பெயர்ச்சொற்களின் பின் வரும் வல்லினம் மிகும்.

• அரைக்காசு,

• பாதிப்பணம்,

• எட்டுத்தொகை,

• பத்துப்பாட்டு

இரு பெயரொட்டுப் பண்புத்தொகையில் வல்லினம் மிகும்.

• ஆவணித் திங்கள்,

• சாரைப்பாம்பு,

• உழவுத்தொழில்,

• செவ்வாய்க்கிழமை.

ஈறுகெட்ட எதிர்மறைப் பெயரெச்சத்தின்பின் வரும் வல்லினம் மிகும்.

• ஓடாக்குதிரை,

• கூடாச்சந்தை,

• ஆடாத்தசை,

• பாடாப் பாட்டு.